Coconut farmers, dismayado kay Poe sa ‘pag-abswelto’ kay Danding

PRESIDENTIABLES.PH | Dismayado ang Kilusang Magbubukid ng Pilipinas (KMP) sa tahasang pagkampi ni Sen. Grace Poe sa Chairman ng San Miguel Corporation at Nationalist People’s Coalition (NPC) founder Eduardo “Danding” Cojuangco Jr. ukol sa multi-billion-peso coconut levy fund plunder.

Sabi kasi ni Poe, wala na raw kontrol si Cojuangco sa pondong ito na matagal na dapat isinauli sa mga magtatanim ng buko. Ito ang pondong ninakaw sa panahon pa ni Pres. Ferdinand Marcos at ipinag-utos ng korte na karapatang-ari ito ng mga coconut farmers.

Sabi ni KMP secretary general Antonio Flores, kinukuwestyon pa nga ng mga magsasaka ang 20 percent share ni Cojuangco sa coco levy fund na idinaan sa San Miguel Corp. ay bakit inaabswelto na siya ni Poe.

Kailan lang ay inamin ni Poe na pinagagamit sila ng San Miguel ng helicopter nito kapag may kampanya sila ni Sen. Chiz Escuedero. Balita ring hawak ng oligarkiya ang pagtakbo ni Poe kaya ang sabwatan daw ng magtiyong sina PNoy at Danding ay hindi maiaalis, ayon pa sa KMP.

Basa pa more: http://newsinfo.inquirer.net/772755/kmp-slams-poe-over-coco-levy-stance

#KMP #GracePoe #DandingCojuangco #FerdinandMarcos #ChizEscudero #AntonioFlores #PresidentiablesPh